Dizajni praktik quhet Lingot
Drejtori kreativ, Kim Jones, propozon dizajn minimalist, funksional në tonet e natyrës.
Për pranverë, stilisti u frymëzua nga ideja e udhëtimit, transmeton Telegrafi.
Këtë herë, Kim Jones i referohet në dizajn autorit Marc Bohan, i cili punoi për markën gjatë viteve ‘60 dhe la një trashëgimi të madhe brenda kompanisë.
I frymëzuar nga arkivat e kompanisë, ai prezantoi edhe çantën e fundjavës Lingot, e cila vjen në disa variante.
Çanta është në formë drejtkëndëshe, ideale për më shumë gjëra, e gjerë dhe kompakte.
Nga frymëzimet është edhe motivi i famshëm Dior Oblique që zbukuron shumë nga krijimet e shtëpisë së modës.
Lingot vjen në tre madhësi, të gjitha janë të dedikuara për jetesë aktive dhe udhëtoni me një rrip të gjerë e të gjatë të veshur mbi trup.
Ndonëse kjo linjë u prezantua si pjesë e koleksionit për meshkuj, çantat Dior janë në listën e krijimeve të adhuruara nga zonjat në mbarë botën.
/Telegrafi/