Në një intervistë për Goal.com, ylli i Manchester United, Diogo Dalot, foli për të gjitha. Që prej hapave të tij të parë në karrierë e deri tek nënshkrimi me Manchester United dhe ftesa nga kombëtarja e Portugalisë.
Mes të tjerash, Dalot u pyet për të dhënë mendimin e tij se cili është lojtari me inteligjencën më të lartë në futboll.
Përgjigjja e tij për shumëkënd mund të jetë një befasi, por reprezentuesi portugez pa hezituar dha emrin e Kai Havertz.
Pavarësisht skepticizmit fillestar, trajneri i Arsenalit, Mikel Arteta, ishte i sigurt në zgjedhjen e tij kur vendosi për transferimin e Havertz, dhe tani gjermani ka dëshmuar se është një aset i çmuar për “Topçinjtë”.
Manchester United's Diogo Dalot picking Arsenal's Kai Havertz for football IQ, but twitter trolls will say he's a bad player and a waste of money pic.twitter.com/Brdng1ZS6w
— Pat 🇵🇱 (@AFCpat_) March 2, 2024
Havertz u ballafaqua me disa vështirësi në fillimet e tij si lojtar i Arsenalit, ndërsa tifozët po e vënin në dyshim impaktin e tij në lojë.
Performancat e jashtëzakonshme të Havertz së fundmi duket se kanë tërhequr vëmendjen jo vetëm nga tifozët, por edhe nga kolegët e tij.
Për këtë arsye, Dalot dha emrin e tij si lojtari më inteligjent në futboll, një vlerësim për të cilin Havertz duhet të ndihet krenar./Telegrafi/