Marrëveshja është kyçe për hapjen e dyerve drejt BE-së, ndërsa vendet anëtare do ta njohin mundësinë që të sigurojnë të ardhmen e Bashkimit Evropian, theksoi sot ministri për punë të jashtme, Nikolla Dimitrov pas nënshkrimit të marrëveshjes për zgjidhjen e kontekstit të emrit në mes Maqedonisë dhe Greqisë dhe partneritetit strategjik në intervistën për “televizionin 24”, përcjell Telegrafi Maqedoni.
“Në mes prioriteteve kryesore pse e bëmë këtë marrëveshje është se hape dyert drejt BE-së. Kemi marr nëntë raporte pozitive, rekomandime për fillimin e bisedimeve, kandidatë jemi që nga viti 2005 gjegjësisht 13 vite. Dera ishte e mbyllur për shkak kontestit rreth emrit dhe tani kur e gjetëm çelësin dhe e hapëm derën do të ishte shumë e keqe nëse mbas kësaj ka edhe një derë tjetër”, tha Dimitrov.
Në rast të ndonjë bllokade tjetër nga vendet anëtare të BE-së për Maqedonisë, Dimitrov tha se çështja dhe përgjegjësia është e madhe për cilin do vend anëtar, veçanërisht për ato çka janë shtylla e së ardhmes së BE-së dhe të cilët kanë përgjegjësi të veçantë se ku shkon BE. /Telegrafi/