“Marrëveshjet me Bullgarinë dhe Greqinë janë shembuj për unitet në veprim. Ne, tre shtetet jemi bërë ‘më të mëdha’ pa ndryshimin e kufijve”, deklaroi shefi i diplomacisë Nikolla Dimitrov dje në takimin e ministrave të Punëve të Jashtme të NATO-s, që u mbajt në Washington, në ditën kur Aleanca Veriatlantike e kremton 70-vjetorin dhe ku është nënshkruar Traktakti themelues.
“Për ne kjo është një ditë e veçantë, sepse bëhet fjalë për një takim të parë të llojit të këtillë, me të drejtë të barabartë të diskutimit, merr pjesë shteti ynë”, tha Dimitrov, përcjell Telegrafi Maqedoni.
Në pjesën e dytë të takimit, siç kumtoi MPJ-ja, Dimitrov konkretisht është përqendruar në kntributin shumëvjeçar të vendit në Afganistan, gatishmërinë për mbështetjen e misioneve të NATO-s për sigurimin e paqes dhe stabilitetit së qëndrueshëm në Afganistan dhe Irak, si dhe kontribut të caktuar financiar në fondet.
Sekretari i përgjithshëm i NATO-s, Jens Stoltenberg, në hapjen e sesionit punues i shprehu mirëseardhje ministrit Dimitrov dhe edhe njëherë potencoi se pret që sa është e mundur më shpejt përmbylljen e procesit të ratifikimit në të gjitha shtetet.
Qëndrimi i shefit të diplomacisë në Washington ishte përmbyllur me takime me kolegët e tij të punëve të jashtme të Hungarisë, Portugalisë dhe Polonisë./Telegrafi/