Max Majewski kaloi gati pesë ditë duke e mbuluar brendësinë e shtëpisë me letër ambalazhi dhuratash.
Ai mbështolli çdo centimetër katror të dhomës së ndenjes, dhomës së ngrënies dhe kuzhinës së nënës me letër ambalazhi për Krishtlindje.
Majewski, i cili quhet @thatguymaks në TikTok, publikoi dy pamje. Në videon e parë, ai dokumentoi procesin e mbështjelljes.
Në një tjetër video ai ka regjistruar reagimin e familjes së tij. Nëna e tij shfaqet duke mbuluar gojën e shokuar teksa hyn në shtëpi, e shoqëruar nga dy motrat më të vogla të Maksit.
Max shpenzoi rreth 255 euro për 114 rrotulla letre për paketimin e dhuratave për të bërë shaka.
Videoja në të cilën ai regjistroi procesin e mbështjelljes së të gjithë shtëpisë ka mbledhur mbi 11 milionë shikime dhe më shumë se 400 mijë pëlqime. /Telegrafi/