Një nga ndeshjet më të rëndësishme në La Liga, më e çmendura dhe më e diskutueshme e sezonit u zhvillua të dielën mes Real Madridit dhe Almerias.
Mbretërit fituan me rikthim ndaj ekipit të fundit në renditje, pasi ishin duke humbur 2-0 pas pjesës së parë. Në fund ata shënuan në kohën shtesë për fitoren 3-2 të Los Blancos.
Pas ndeshjes, 20 vjeçari i Almerias, Marc Pubill, ka qenë shumë kritik për rrjedhën e lojës.
“Dikush ka vendosur që ne nuk mund të fitonim këtu,” thotë Pubill në DAZN.
Almeria kryesoi 0-2 në Santiago Bernabéu në pjesën e parë. Tre veprime të VAR, me një penallti në favor të Rëal Madridit, një gol i anuluar për Arribas dhe një gol për Vinicius Junior, “ndihmuan” mbretërit të ishin në lojë.
11 minuta lojë shtesë dhe një gol i Dani Carvajal në minutën e 99-të, bën që Santiago Bernabeu të shpërthente në festë.
Real Madridi del si lider pas kësaj beteje, ndërsa Almeria largohet me zemërim dhe depresion të jashtëzakonshëm pasi pothuajse ishin afër të arrinin fitoren e parë në La Liga./Telegrafi/