Një rrëshqitje e madhe dheu në Isle of Wight ka lënë dhjetëra njerëz të pastrehë, pak ditë para Krishtlindjeve.
Sipas mediave të huaja, përcjell Telegrafi, bëhet fjalë për një ngjarje të ndodhur në Bonchurch, afër Ventnor në skajin jugor të ishullit, në Angli.
Copa të mëdha të shkëmbit janë shembur, me disa shtëpi që rrezikojnë t’i ndjekin drejt detit – duke shkaktuar evakuimin masiv nga oficerët e këshillit dhe policia.
Nga shembja, e cila ndodhi në orën 21:20 të së dielës më 10 dhjetor, u shkatërrua një kafene, parking dhe tualet.
Rrugët janë mbyllur dhe vendasve u është thënë që të shmangin zonën ndërsa oficerët e këshillit vlerësojnë rrezikun e rrëshqitjeve të mëtejshme të dheut.
Ndërsa atyre që nuk mund të qëndronin në shtëpitë e tyre iu ofrua strehim i përkohshëm.
Pronarët e një lokali kanë thënë se zona rreth biznesit të tyre dukej si një ‘zonë lufte’. /Telegrafi/