Poezi nga: Amiri Baraka
Përktheu Fadil Bajraj
Po thonë janë disa terroristë, disa
barbarë
A Rabë, në
Afganistan
Nuk ishin terroristët tanë amerikanë
Nuk ishin as Klani e as Kokërruarit
Ose ata që hedhin në erë Kishat e
zezakëve, ose që na reinkarnojnë në Radhën e Vdekjes
Nuk ishte Trent Lott
Ose David Duke ose Giuliani
Ose Schundler, Helms në pension
Nuk ishte
gonorrea në kostum
as sëmundjet e çarçafëve të bardhë
Që kanë mbytur zezakët
E terrorizuar arsyen dhe urtësinë
Shumicën e njerëzimit, siç kanë qejf të thonë
Po thonë (kush po thotë? Kujt po i thonë
Kush po i paguan
Kush po flet dokrra
Kush po maskohet
Kush kishte robër
Kush përfitoi dollarë nga Dollarët
Kush u trashë nga plantacionet
Kush i gjenocidoi Indianët
Dhe u përpoq të zhdukë kombin e Zi
Kush jeton në Wall Street
Plantacioni i parë
Kush t’i vjelë të mirat
Kush ta dhunon nënën
Kush ta linçoi babën
Kush e ka katranin, kush i ka puplat
Kush i kishte shkrepësat, kush ndizte zjarret
Kush vriste e paguante
Kush përbetohet në Zot e mbetet Djall
Kush është gjithmonë më i madhi
Kush është më i miri
Kujt i ngjan Jezusi
Kush krijoi çdo gjë
Kush është më i mençuri
Kush është më i madhi
Kush është më i pasuri
Kush thotë se jeni të shëmtuar e për vete thonë se janë më të bukurit
Kush e përcakton artin
Kush e përcakton shkencën
Kush i prodhoi bombat
Kush i prodhoi armët
Kush i bleu skllavët, e kush i shiti
Kush ua dha emrat
Kush thotë se Dahmer s’ka qenë i krisur
Kush/ Kush / Kush/
Kush e vodhi Porto-Rikon
Kush i vodhi Indiet, Filipinet, Manhattanin
Australinë & Hebridet
Kush ua detyroi opiumin kinezëve
Kush i posedon ato ndërtesa
Kush i ka paratë
Kush kujton se jeni qesharak
Kush ju ka mbyllur
Kush i posedon letrat
Kush i posedonte anijet e robërve
Kush e udhëheq ushtrinë
Kush është president i falsifikuar
Kush është sundimtar
Kush është bankier
Kush/ Kush/ Kush/
Kush e posedon minierën
Kush ta prish mendjen
Kush e ka bukën
Kush ka nevojë për paqe
Kush ta merrë mendja se kanevojë për luftë
Kush e ka naftën
Kush s’mundohet fare
Kush e ka tokën
Kush nuk është zezak
Kush është aq i madh e nuk është zezak
Kush e posedon këtë qytet
Kush e posedon ajrin
Kush e posedon ujin
Kush ta posedon banesën
Kush grabit e plaçkit e mashtron e vranë
e i shndërron rrenat në të vërteta
Kush të quan i pagdhendur
Kush jeton në shtëpinë më të madhe
Kush i bënë krimet më të mëdha
Kush shkon në pushim kur t’i çohet
Kush i vrau shumicën e zezakëve
Kush i vrau shumicën e hebrejve
Kush i vrau shumicën e Italianëve
Kush i vrau shumicën e irlandezëve
Kush i vrau shumicën e afrikanëve
Kush i vrau shumicën e japonezëve
Kush i vrau shumicën e latinosëve
Kush/Kush/Kush
Kush e posedon oqeanin
Kush i ka aeroplanët
Kush i ka qendrat tregtare
Kush e ka televizionin
Kush e ka radion
Kush e posedon atë që as dihet që e posedon
Kush i posedon pronarët që s’janë pronarë të vërtetë
Kush i posedon periferitë
Kush i thithë qytetet
Kush i bën ligjet
Kush e bëri Bushin president
Kush beson se flamuri i konfederatës duhet të valojë
Kush flet mbi demokracinë e gënjen
Kush është Bishë në Zbulesë
Kush është 666
Kush e ka ditur e kush ka vendosur të
kryqëzohet Jezusi
Kush është Djall në anën e vërtetë
Kush u pasurua nga gjenocidi armenian
Kush është terroristi më i madh
Kush e ndryshoi biblën
Kush i vrau shumicën e njerëzve
Kush i bënë të këqijat më të mëdha
Kush s’çan kokën fare për mbijetesë
Kush i ka kolonitë
Kush e vodhi shumicën e tokës
Kush e sundon botën
Kush thotë për vete se janë të mirë e bëjnë sall poshtërsira
Kush është xhelati më i madh
Kush/Kush/Kush
Kush e ka naftënl
Kush do edhe më shumë naftë
Kush të ka thenë se ç’duhet menduar e më vonë e të ka dalë rrenë e kulluar
Kush/ Kush/
Kush e financoi Bin Ladenin, mbase Satani
Kush e paguan CIA,
Kush e ka ditur se do të eksplodojë bomba
Kush e ka ditur se përse terroristët
Mësuan të fluturojnë në Floridë, San Diego
Kush e di pse Pesë izraelitë filmonin eksplodimin
dhe bënin sehir
Kush ka nevojë ta përdorë fosilin për lëndë djegëse
kur dielli askund nuk e ka ndërmend të shkojë
Kush bënë karta kredie
Kush lirohet nga tatimi
Kush e braktisi Konferencën
Kundër Racizmit
Kush e vrau Malcolmin, Kennedyn & Vëllain e tij
Kush e vrau Dr Kingun, Kush do ta donte një gjë të tillë?
A kanë fare lidhmërie me vrasjen e Lincolnit?
Kush e pushtoi Granadanë
Kush fitoi para nga aparteidi
Kush i mbanë irlandezët koloni
Kush e përmbysi Kilin e më vonë edhe Nikaraguan
Kush e vrau David Sibekon, Chris Hanin,
të njëtit që vranë Bikon, Cabralin,
Nerudan, Allenden, Che Guevaran, Sandinon,
Kush e vrau Kabilan, bash ata që vranë Lumumban, Mondlanen, Betty Shabazzin, Die,
Princeshën Di!, Ralph Featherstonein, Little Bobbyn
Kush e burgosi Mandelan, Dhoruban, Geronimon,
Assatan, Mumian,Garveyn, Dashiell Hammettin, Alphaeus Huttonin
Kush e vrau Huey Newtonin, Fred Hamptonin,
Medgar Eversin, Mikey Smithin, Walter Rodneyn,
A ishin të njëjtit që u përpoqën ta helmojnë Fidelin
Kush orvatej t’i mbante vietnamezët të Shtypur
Kush ia vuri çmimin kokës së Leninit
Kush i futi çifutët në furra,
e kush u ndihmoi ta bënin këtë
Kush tha së “Pari Amerika”
dhe i ndreqën yjtë e verdhë
Kush e vrau Rosa Luxembourgun, Liebnecktin
Kush i vrau Rosenbergët
Dhe i ngriu të gjithë njerëzit e mirë,
torturoi, vrau, zhduki
Kush u pasurua nga Algjeria, Libia, Haiti,
Irani, Iraku, Saudi, Kuvajti, Libani,
Siria, Egjypti, Jordani, Palestina,
Kush ua preu duart njerëzve në Kongo
Kush e shpiki Aids Kush futi mikrobe
në batanijet e Indianëve
Kush e sajoi “Gjurmën e Lotëve”
Kush e dogji Maine
& ia nisi Luftës Spanjollo Amerikane
Kush e ktheu Sharonin në Pushtet
Kush e mbështeste Batistan, Hitlerin, Bilbon,
Chiang kai Chekun
Kush vendosi që Affirmative Action duhet të kalojë
Reconstruction, The New Deal, The New
Frontier, The Great Society,
Kush e bënë punën e Tom Ass Clarencet
Kush del nga goja e Colon’sit
Kush e di se çfarë lloji i Skeezas është Condoleeza
Kush e paguan Connellyn për të qenë zezak drunak
Kush ia jepë Çmimin e Gjeniut Homo Locus
Subsidere
Kush e përmbysi Nkrumahun, Bishopin,
Kush e helmoi Robesonin,
kush u orvat ta fus në Burg DuBoisin
Kush deshi ta vë në kurth Rap Jamil al Amin, Kush shpifi
kundër Rosenbergëve, Garveyt, Djelmoshave Scottsboro,
The Hollywood Ten
Kush ia futi Flakën Reichstagut
Kush e ka ditur se World Trade Center do të bombardohet
Kush ua ka thënë 4000 punëtorëve izraelitë të Kullave Binjake
Të qëndrojnë në shtëpi bash atë ditë
Pse s’përzihej Sharoni
Kush,Kush, Kush/
eksplodimi i Hutit thotë gazeta
fytyra e djallit mund të shihej
Kush fiton para nga lufta
Kush fiton para nga frika e rrenat
Kush e do botën kështu siç është
Kush do që bota të sundohet nga imperializmi dhe shtypja kombëtare e terrori,
dhuna, uria e skamja.
Kush është sundimtar i Ferrit?
Kush është më i fuqishmil
Kush njehë njeri që ka parë
ndonjëherë Zotin?
Megjithatë të gjithë e kanë parë
Djallin
Si një Hut që eksplodon
Në jetën tënde në trurin tënd në veten tënde
Si një Hut që e njeh djallin
Gjithë natën e lume, gjithë ditën e lume nëse dëgjon, Si Hut
Që eksplodon në zjarr. Dëgjojmë këtë pyetje si shtrohet
Në flakë të tmerrshme si fishkëllimë e qenit të krisur
Si vjellje acidi e zjarrit të Ferrit
Kush dhe Kush dhe Kush kush kush
Kuuuush e Kuuuuuuuuuuuuuuuuuuuuush!
