Trajneri italian i Chelseat, Antonio Conte e ka nisur me plot sukses punën e tij tek londinezët.
Njëri nga lojtarët kryesor të klubit padyshim që është mesfushori francez, N’Golo Kante.
Mesfushori francez erdhi nga Leicester City, mirëpo Conte e pranon që nuk e njihte më parë.
“A e njihja Kanten para se të vija këtu? Jo, tani e njoh”, tha trajneri italian Antonio Conte.
“Mendoj se ai është një mesfushor i plotësuar, jo vetëm si mesfushor defensivë. Më pëlqen kur N’Golo shkon për të bërë presing me sistemin me të cilin po luajmë tani. Më pëlqen shumë. Ai është shumë i mirë. Mbaj mend para ndeshjes me Leicesterin”.
“Shumë njerëz thanë se ai është një lojtar ndryshe nga ai i sezonit të kaluar. Por unë thashë se N’Golo po luan shumë mirë dhe se jemi shumë të kënaqur që e kemi në skuadër”, deklaroi italiani. /Telegrafi/