Poezi nga: Tim Buckley
Përktheu: Fadil Bajraj
Dikur isha ushtar
Dhe luftoja në rëra të huaja për ty
Dikur isha gjuetar
Dhe sillja mish të freskët për ty
Dikur isha dashnor
Dhe të kërkoja pas syve tu
E së shpejti do të jetë një tjetër
Që do të të thotë se unë isha sall rrenë
Dhe ngandonjëherë pyes veten
Sall për një grimë here
A thua do të më kujtosh
Dhe sado që i ke harruar
Gjitha ëndrrat tona të hamamta
E gjej veten duke kërkuar
Nëpër hirin e gërmadhave
Për ditët kur buzëqeshnim
Dhe orët që i tretëm çmendurisht
Me magjinë e syve tanë
Dhe me heshtjen e fjalëve tona
Dhe ngandonjëherë pyes veten
Sall për një grimë here
A thua do të më kujtosh
