Vilën e vendosi në shitje në muajin prill të vitit të kaluar, pasi zbuloi se dëshiron të kthehet në Britani të Madhe.
Sir Tom Jones tani ka shitur pronën për t’u pasur zili në lagjen ekskluzive të Mulholland Estates të Beverly Hills, duke thënë se “nuk ndihet më rehat atje” pas vdekjes së bashkëshortes në moshën 59-vjeçare, Lindës.
Vila ka pesë dhoma gjumi dhe shtatë banja ndërsa këngëtari e kishte blerë në vitin 1998 për 2.5 milionë euro gjersa sot e ka shitur për rreth shtatë milionë euro.
Vilë bashkëkohore krenohet me një sërë veprash të frymëzuara të kafshëve dhe statujat e frymëzuara nga safari. Gjithashtu ka nja pamje fantastike prej gjelbërimit dhe një pishinë në para vilës.
Këngëtari legjendar 77-vjeçar humbi të dashurën në vitin 2016 pas betejës me kancerin dhe një vit më pas shiti vilën.
“Ajo më tha të kthehesha në Londër gjatë kohës sa ishte në gjendje të flas. Ajo do të kishte dashur të ktheheshim së bashku, por ne e lanë shumë vonë”, tha Jones.
Dyshja ishin në lidhje qysh nga mosha 12-vjeçare ndërsa u martuan pas katër vjetëve. Ata kishin një fëmijë së bashku, Markun 59-vjeçar, i cili tani punon si menaxher i Sir Tomit. /Telegrafi/
