Një video shokuese është shfaqur në internet, ku shfaqet momenti kur një turmë njerëzish djegin për së gjalli një hajn në Venezuelë.
Fillimisht turma nuk e dinte se çfarë kishte bërë Roberto Bernal, por ikja e tij i mjaftoi turmës të ndërmarrë këtë veprim, transmeton Telegrafi.
Dhjetëra burra shihen në video duke e përplasur për tokë burrin pranë një supermarketi, duke e shqelmuar dhe grushtuar derisa 42-vjeçari mbulohet në gjak dhe përfundon pothuajse pavetëdije.
Për vite të tëra këtyre njerëzve u janë vjedhur telefonat mobil, kuletat dhe motoçikletat, dhe kur e panë Bernal menduan se ai kishte fytyrë të kriminelit.
Por pasi një burrë me flokë të bardha vjen nga pas, dhe i tregon turmës se ai e kishte plaçkitur, ata menjëherë tërbohen duke i nxjerrë nga xhepi kuletën dhe duke i kthyer plakut shumën që ia kishte vjedh, që ishin vetëm 5 dollarë.
Por ngjarja e tmerrshme nuk përfundon këtu, pasi ata më pas e lyejnë me benzinë dhe i vënë flakën, duke e djegur për së gjalli në prezencë të dhjetëra qytetarëve.
“Me këtë veprim duam ta mësojmë këtë burrë se nuk duhet vjedhur”, ka deklaruar 29-vjeçari Eduardo Mijares. /Telegrafi/
