Një veturë është djegur sot në Prishtinë, rreth orës 10:00.
Telegrafi raporton se vetura është djegur në rrugën “Agim Ramadani”, saktësisht në oborrin e Fakultetit të Kimisë.
Flora Ahmeti, zëdhënëse e Policisë së Kosovës për rajonin e Prishtinës tha për Telegrafin se rreth orës 10:00 kanë pranuar informatën se në rrugën “Agim Ramadani” në Prishtinë, saktësisht në një parking në kampusin e Universitetit të Prishtinës është kapluar nga zjarri një veturë.
“Behet fjale për një veturë të tipit Mercedes me targa vendore. Në vendin e ngjarjes janë ekipet policore po merren me rastin. Zjarri është lokalizuar dhe nuk raportohet për persona të lënduar”, tha Ahmeti. /Telegrafi/
