Sot në orët e mbrëmjes një automjet është përfshirë nga flakët në Autostradën “Ibrahim Rugova”
Në fotografitë e siguruara nga Telegrafi, shihet automjeti i përfshirë tërësish nga zjarri, në segmentin në afërsi të rrugës që shpie te Qafa e Duhlës.
Zëdhënësi i Policisë, Bajram Krasniqi, ku tha se si pasojë e këtij incidenti, trafiku po zhvillohet vetëm në një shirit të rrugës.
“Rreth orës 17:10, policia është njoftuar se në autostradë drejtimi Duhël-Prishtinë, një veturë është përfshirë nga zjarri. Nga ky rast nuk ka persona të lënduar. Njësitet policore, zjarrfikësit dhe kompania për mirëmbajtjen e autostradës kanë dalë në vendin e ngjarjes. Për momentin trafiku po zhvillohet vetëm në një shirit”, ka thënë Krasniqi. /Telegrafi/
