Në autostradën “Ibrahim Rugova” në dalje të fshatit Mazgit, sot pasdite një kamion është përfshirë nga zjarri, raporton Telegrafi.
Në redaksinë e Telegrafit, lexuesit kanë dërguar video dhe fotografi ku shihet kamioni që është përfshirë nga flaka në autostradën “Ibrahim Rugova” në dalje të fshatit Mazgit.
Sipas videos dhe fotografive, shihet se zjarri ka shpërthyer në rrotat e rimorkios së kamionit.
lajmin e ka konfirmuar edhe Policia e Kosovës. Zëdhënësja e policisë për rajonin e Prishtinës, Florije Ahmeti, tha për KALLXO.com se rreth orës 19, në autostradë, një kamionit i është djegur goma për shkaqe momentalisht të panjohura. Ajo tha se ekipet e zjarrfikësve kanë dalë në vendin e ngjarjes dhe kanë lokalizuar zjarrin. /Telegrafi/
