Gjatë ditës së sotme diku rreth orës 9 të mëngjesit në rrugën “Otokar Kershovani” në afërsi të Rektoratit në Shkup janë përfshirë nga zjarri tre makina, njofton Alsat.
Fillimisht zjarri ka shpërthyer në makinën “Opel Corsa”, supozohet nga ndonjë defekt dhe më pas zjarri ka kapluar edhe dy makina të tjera të parkuara në afërsi të “Opelit”.
Ekipi i zjarrfikësve ka dal në vendngjarje dhe ka shuar zjarrin duke parandaluar përhapjen e tij.
Nga ky aksident nuk ka persona të lënduar, por vetëm është shkaktuar dëm material tek makinat të cilat pjesërisht u përfshinë nga flakët.
