Finalja e Euro 2024 mes Spanjës dhe Anglisë do të kulmojë sezonin futbollistik 2023/24. Një sezon shumë i gjatë, me një kalendar shumë të ngjeshur, i cili bën që forca të lëkundet.
Spanja dhe Anglia do ta mbyllin Kampionatin Evropian me një finale të madhe të dielën mbrëma nga ora 21:00 në Olympiastadion të Berlinit.
“Është një program i pazbatueshëm. Është e pamundur për ne lojtarët të ruajmë nivelin për një vit të tërë duke luajtur çdo tre ditë”, ka thënë Dani Carvajal përpara se të përballet me Gjermaninë në çerekfinale.
Spanja apriori e nis me avantazh nga ana fizike. Mbërrin më e pushuar, më e freskët.
“Kur filloi Evropiani, unë tashmë komentova se e pashë Spanjën në një nivel të lartë. Stafi i Luis de la Fuente arriti një ekuilibër të përsosur, duke i dhënë përparësi punës rigjeneruese midis lojtarëve me më shumë minuta, pa pushuar shumë, dhe duke aplikuar më shumë minuta për pjesën tjetër. Jemi në fund të turneut dhe shoh që Spanja po ecën mirë”, ka thënë ish-trajneri fizik i Real Madridit, Jose Luis San Martin për Marca.
Anglia, nga ana tjetër, vjen veçanërisht e ndëshkuar. Ndryshe nga Spanja, ajo ka luajtur dy ndeshje me vazhdime. Prandaj, 11-shja titullare e Gareth Southgate për të dielën do të grumbullojë 5,839 minuta lojë, krahasuar me 4,593 që grumbullon formacioni tipik i Spanjës. Pothuajse 1300 minuta dallim.
“Diferenca në minuta mes Spanjës dhe Anglisë është skandaloze. Është një fakt i jashtëzakonshëm, mbi të gjitha, sepse ekziston një studim që siguron se, pasi luan 3000-3500 minuta në sezon, rreziku i dëmtimit rritet në mënyrë eksponenciale me 26%”, nënvizon San Martin i njohur si ‘Profesori’.
Anglia nuk ka vetëm pesë lojtarët që kanë luajtur më shumë minuta në të gjithë turneun (Declan Rice, Jordan Pickford, John Stones, Kyle Walker dhe Jude Bellingham). Ajo ka gjithashtu pesë nga shtatë futbollistët që kanë bërë më shumë kilometra: Rice (74.9km), Phil Foden (67.9), Bellingham (65.4), Ëalker (65.2) dhe Kane (63.1).
“Foden është i vetmi që e shoh të freskët. Walker nuk është mirë, Rice dhe Kane gjithashtu. Bellinghamin e shoh në gjendje shumë të keqe fizike, ai është në rezervë. Nga ana tjetër, Nico dhe Yamal janë si aeroplanë. Lamine nga pikëpamja fizike, është mbresëlënëse forca e tij relative [fuqia për kilogram peshë] është e pabesueshme. Anglia, sikur të mos mjaftonte kjo, ka një ditë më pak pushim, një aspekt që ngriti kritika nga Southgate.
“Dita shtesë që ka Spanja është një shqetësim. Në turnetë e fundit kjo ishte një problem për finalistët, kështu që ne kemi “Të bëjmë më të mirën që mundemi për të rikuperuar mirë lojtarët”, deklaroi trajneri i Anglisë.
“Dita më pak pushim, dhe më shumë pas një sezoni kaq të ngarkuar duke luajtur çdo 3-4, tregon diçka. Futbolli është sporti më intensiv që ekziston në nivelin e muskujve. Në nivelin kardiovaskular, në 2-3 ditë shërohesh lehtësisht, por në nivelin e muskujve është më e komplikuar sepse ka përshpejtime, ngadalësime… Në çdo rast, stafi teknik do të kontrollojë mirë nivelet e kreatinë kinazës”, thekson ish-fizioterapeuti i Real Madridit.
Jose Luis San Martin i beson Kombëtares së Spanjës, edhe nëse ndeshja zgjat më shumë se 90 minuta.
“Në planin fizik nuk mendoj se do të kenë ndonjë problem, edhe nëse ka kohë shtesë. Ata janë përgatitur shumë mirë”.
Megjithatë, ai paralajmëron rrezikun e anglezëve.
“Fiziku është vendimtar, por talenti bën diferencën dhe psikologjikisht i shoh të fortë pasi i kanë kapërcyer ndeshjet e fundit”. Megjithatë, ai ka vënë bast për Spanjën: “Është një finale dhe gjithçka mund të ndodhë. Në këtë nivel, detajet bëjnë diferencën, por mendoj se do të jemi kampionë të Evropës”, përfundoi ai.
Minutat e luajtura nga titullarët e Anglisë dhe Spanjës
Unai Simon kundër Jordan Pickford –> 480 min – 600 min
Dani Carvajal kundër Kyle Walker –> 381 – 600
Le Normand kundër John Stones –> 360 – 600
Aymeric Laporte kundër Marc Guehi –> 436 – 480
Marc Cucurella kundër Kieran Trippier –> 456 – 454
Rodri kundër Declan Rice –> 476 – 600
Fabian Ruiz kundër Kobbie Mainoo –> 453 – 300
Lamine Yamal kundër Bukayo Saka –> 418 – 546
Jude Bellingham kundër Dani Olmo –> 341 – 581
Nico Williams kundër Phil Foden –> 406 – 533
Alvaro Morata kundër Harry Kane –> 386 – 545
Gjithsej ekipet –> 4,593 kundrejt 5,839
/Telegrafi/