Gjatë 24 orëve të fundit në Dibër dhe në Zhupë nuk ka të infektuar të rinj me coronavirus, dhe një pacient 63-vjeçar humbi jetën.
Sipas të dhënave të ISHP-së – Ohër, deri tani në këto dy komuna kanë humbur jetën 13 pacientë të infektuar me coronavirus, njofton Telegrafi Maqedoni.
Në fazën e parë kanë humbur jetën 4 pacientë, ndërsa të tjerët kanë humbur jetën pas 5 qershorit.
Sipas të dhënave statistikore nga e shtuna e kaluar deri sot në këtë rajon janë regjistruar tetë raste të reja dhe janë bërë 26 testime. Gjatë kësaj periudhe janë shëruar 63 pacientë dhe dy pacientë kanë humbur jetën.
Numri i përgjithshëm i të infektuarve është 260, prej tyre 219 janë shëruar dhe numri i rasteve aktive mbetet 28../Telegrafi/