Ministri teknik për Punë të Brendshme, Naqe Çulev në konferencë për shtyp njoftoi se ka pasur 14 përpjekje për të dalë nga hapësira ku ka krizë në Dibër dhe në Qendër Zhupë pas leje mjekësore, e që janë ndaluar nga policët që po sigurojnë rajonin.
“Është mundësuar transportimi pa pengesë i parave në banka dhe bankomate. Vazhdimisht ridrejtohet komunikacioni ndërsa qytetarët vazhdimisht informohen për gjendjen”, tha Çulev, njofton Telegrafi Maqedoni.
Ai njoftoi se rreth 180 policë dhe 65 pjesëtarë të ARM-së po e sigurojnë këtë territor me qëllim që të parandalojnë hyrjen dhe daljen prej këtij rajoni.
“Me rekomandim nga mjeku dy gra shtatzëna kanë lëshuar rajonin ku ka krizë. Ndryshe, në Komunën e Dibrës dhe Qendrë Zhupë momentalisht ka 130 pjesëtarë të MBP-së, dhe gjithashtu ka edhe 35 deri 50 pjesëtarë të Departamentit për Aksione Sociale Policore. 65 ushtarë të ARM-së, të po i ndihmojnë MPB-së’, tha Çulev./Telegrafi/