Pesë vjet bisedime, shumë marrëveshje të arritura, pak të zbatuara në tërësi, dhe ende nuk i shihet fundi dialogut Kosovë-Serbi.
Pavarësisht kësaj, nga njohës të rrethanave politike, përfitues i dialogut për normalizim të marrëdhënieve ndërshtetërore, po konsiderohet Serbia.
Edhe hapja e kapitujve të negociatave për anëtarësim në BE, po vlerësohet se ka ardhur si rezultat i dialogut.
Por sa i përket paralajmërimeve se dialogu me Serbinë duhet të afatizohet njohës të rrethanave politike janë të ndarë në qëndrime.
Avni Mazrreku, vlerëson se para se të caktohet kohëzgjatja e dialogut, duhet që të afatizohet zbatimi i marrëveshjeve.
