Në takimin i cili do të mbahet sot në orët e mbrëmjes në Bruksel në mes të presidentit të Kosovës, Hashim Thaçi dhe atij të Serbisë, Aleksandar Vuçiq pritet të arrihet një para- marrëveshje në mes dy palëve.
Burime të Telegrafit bëjnë të ditur se janë përafruar qëndrimet ndërmjet Kosovës dhe Serbisë.
“Janë përafruar qëndrimet ndërmjet Kosovës dhe Serbisë. Sonte në zyrën e Mogherinit do të ketë një para-marrëveshje, e cila do të shënojë zhvillim në dialogun Kosovë-Serbi”, thonë këto burime.
Ndryshe, dje në njoftimin e Zyrës së Përfaqësueses së Lartë të BE-së, Federica Mogherini u tha se në takim dy liderët pritet të konfirmojnë gatishmërinë për të intensifikuar punën që të arrihet një marrëveshje ligjërisht e obligueshme në normalizimin e marrëdhënieve. /Telegrafi/
🇪🇺HRVP @FedericaMog will host on 8 November in Brussels meeting of #EU facilitated Dialogue with @avucic @predsednikrs & @HashimThaciRKS: They are expected to confirm their readiness to intensify the work to reach a legally binding agreement. https://t.co/epCOwl5lYX
— Maja Kocijančič (@MajaEUspox) November 7, 2018