Këngëtarja shqiptare, Dhurata Dora, vazhdon të jetë një nga personazhet më të ndjekura në rrjetet sociale.
Ajo ndan thuajse çdo ditë me fansat fotografi të ndryshme nga përditshmëria, ndërsa së fundmi vendosi të hapë arkivat.
26-vjeçarja ka prezantuar dukjen e saj në fëmijëri, të cilën siç shihet e kujton me nostalgji si një prej periudhave më të bukura të jetës.
Artistja duket po aq e njëjtë sikurse tani dhe siç bën të ditur kjo fotografi është realizuar në vitet e 90-ta.
E njëjta ka filluar të merret me muzikë qysh në moshë të re dhe tashmë ka mbledhur fansa të shumtë gjithandej.
Kjo e fundit këtë verë theu rekord të madh me projektin “Zemër” në bashkëpunim me Soolking, i cili në platformën YouTube ka kaluar shifrën e 288 milionë klikimeve.
Veç tjerash, Dhurata ishte mjaft e pranishme në koncerte dhe mbrëmje muzikore jo vetëm në trojet shqiptare, por edhe më gjerë. /Telegrafi/