Sukseset e Dhurata Dorës nuk kanë të ndalur, dhe një të tillë e ka arrit edhe së fundi.
Këngëtarja e njohur dhe shumë e suksesshme ka bërë të ditur se bashkëpunimi i saj me këngëtarin francez, Gims “Only You” ka grumbulluar mbi 60 milionë klikime në YouTube.
Projekti i dyshes së famshme u publikua në fund të muajit maj dhe brenda kësaj kohe të shkurtër ka arritur një sukses të tillë, të cilin Dhurata e ka ndarë me fansat përmes një InstaStory.
Ndërkohë, ky nuk ishte bashkëpunim i vetëm i këngëtares kosovare gjatë këtij viti, Dhurata në sezonin veror bashkoi forcat me reperin nga Shqipëria, Noizy.
Kënga “Mi Amor” ishte një tjetër sukses i saj duke u bërë një nga hitet më të dëgjuara gjatë sezonit që lamë pas.
Ndërkohë, aktualisht Dhurata ka vazhduar me koncerte dhe mbrëmje muzikore në diasporë. /Telegrafi/
