Dhurata Dora ka publikuar sot (e premte) në mesnatë projektin e ri muzikor.
“Palma” titullohet kënga, për të cilën ka bashkëpunuar me artistin austriak, RAF Camora.
Projekti i dyshes së famshme është realizuar edhe me videoklip, ndërsa artistja vjen me një paraqitje të mahnitshme.
Teksti dhe melodia e këngës është bërë nga Dora, Camora dhe nga Tonic & Denk.
Për ‘beat’-in u kujdes DjR Beatz dhe Bannzz me miksim dhe masterizim nga Menju.
Producimi i projektit ndërkohë vlen të ceket se u bë nga Panda Music.
Dhurata vetëm pak ditë më parë solli një projekt solo të titulluar “Pa mu” që u prit jashtëzakonisht mirë. /Telegrafi/
