Pothuajse kanë kaluar një vjet që nga koha kur e ka publikuar këngën e fundit para fansave të vetë.
Dhurata Ahmetaj është nga ato këngëtare, e cila shumë më rrallë sjell projekte muzikore në skenë, teksa muaj më parë në një intervistë për Telegrafin, kishte treguar arsyet se pse ndodh kjo.
“Në fakt unë kam zgjedhur të funksionoj në këtë formë, të punoj këngë më rrallë, nuk i dihet ndoshta dhe e përshpejtoj këtë ritëm në të ardhmen, por sidoqoftë unë ndihem mirë sa herë që e finalizoj një projekt timin, edhe më mirë ndihem kur përkrahësit e mi e presin me kritika pozitive”, ka thënë Dhurata për Telegrafin.
Por, bukuroshja shqiptare është mjaft aktive në rrjetet sociale teksa sjell imazhe, video dhe mesazhe të ndryshme.
Ajo së fundi ka publikuar disa fotografi në llogarinë personale në Instagram teksa shihet duke u relaksuar, megjithëse nuk ka dhënë shumë detaje.
Në muajt në vazhdim, Dhurata pritet të sjellë për fansat edhe tjera këngë të reja gjersa i fundit ishte “A po vjen”. /Telegrafi/