Një person është vënë në prangat e policisë së Fierit pas dhunës së ushtruar ndaj ish-bashkëjetueses së tij.
Amarildo K., 32 vjeç, banues në Fier, u vu në pranga ditën e djeshme, pas denoncimit të bërë në polici ndaj tij nga ish-partnerja.
Arrestimi i tij u bë në spitalin e Fierit, pasi e ka përndjekur, ka ushtruar dhunë fizike dhe psikologjike ndaj ish- bashkëjetueses 16-vjeçare.
Sipas kallëzimit të saj, ai ka ushtruar dhunë edhe herë të tjera, duke e detyruar që t’i japin fund lidhjes.
Por pikërisht mosdakordësia për dhënien fund të lidhjes ka bërë që 32- vjeçari të bëhet edhe më agresiv dhe ta dhunojë.
Noa.al mëson se ditën e djeshme adoleshentja kishte shkuar në spital për kontroll për shkak të gjendjes së rënduar psikologjike, por edhe aty është ndjekur nga ish-bashkëjetuesi i cili e ka rrahur, pasi e reja nuk pranonte të kthehej me të.
Arrestimi i 32- vjeçarit u bë nën akuzën e veprave penale “Përndjekja” dhe “Dhunë në familje”./ noa.al/