Kompania Airbus ka prezantuar aeroplanin e ri, brenda të cilit gjenden ekrane të veçantë në kulm përmes të cilët mund të shihet qielli, duke iu mundësuar pasagjerëve një panoramë të paparë.
Falë dizajnit unik dhe këtyre ekraneve të veçantë, pasagjerëve do t’iu krijohet përshtypja se nuk ekziston kurrfarë muri ndarës mes tyre dhe qiellit, transmeton Telegrafi.
Airbus ACJ319 Neo është dizajnuar nga kompania italiane Pagani Automobile, të cilët gjatë punës kanë përdorur materiale speciale që nuk janë përdorur kurrë më parë në ndonjë fluturake.
Brenda ky aeroplan është i dekoruar me tepih të lëkurës dhe dysheme të drurit, por nuk mungojnë as mobilet luksoze, televizorët gjigant, bari me banak, dhomat e gjumit dhe tualetet, që mund të gjendet vetëm në hotelet me pesë yje.
Airbus ACJ319 Neo mund të transportoj deri në tetë pasagjerë, mund të përshkoj plot 12.500 kilometra për 15 orë, kurse çmimi i prodhimit të tij ka kushtuar 100 milionë dollarë. /Telegrafi/
https://www.youtube.com/watch?v=h4eg1Vil7hc