Oficerët e rojës bregdetare po patrullojnë përgjatë bregdetit pranë qytetit jugor italian të Crotone, pasi një varkë prej druri me rreth 200 emigrantë u përplas në shkëmbinj nënujorë, duke vrarë të paktën 60 njerëz, përfshirë fëmijë.
Sipas mediave të huaja, përcjell Telegrafi, dhjetëra të tjerë janë ende të zhdukur në ujërat e trazuar dhe zyrtarët kanë frikë se numri i të vdekurve mund të arrijë në 100.
Të paktën 80 persona u gjetën të gjallë, tha roja bregdetare italiane.
“Të gjithë të mbijetuarit janë të rritur”, ka thënë vullnetari i Kryqit të Kuq, Ignazio Mangione.
Italian Red Cross is responding to the #shipwreck that happened this morning off the coast of Calabria, claiming the lives of dozens of migrants.
Teams are supporting survivors with first aid, blankets and psychosocial support, and also helping them contact their loved ones. pic.twitter.com/tBoXEnfcMx
— IFRC Europe (@IFRC_Europe) February 26, 2023
“Fatkeqësisht, të gjithë fëmijët janë në mesin e të zhdukurve ose u gjetën të vdekur në plazh. Mes të vdekurve u raportua edhe një foshnjë”.
Disa nga të mbijetuarit më të rinj, sipas Mjekëve pa Kufij, ishin një 16-vjeçar dhe një 12-vjeçar nga Afganistani.
Varka thuhet se u përplas me shkëmbinj disa metra larg brigjeve të Italisë pasi u nis nga Turqia.
Ndërkohë po punohet edhe për identifikimin e katër kontrabandistëve të dyshuar.
Një burrë thuhet se u mor në paraburgim për t’u marrë në pyetje pasi të mbijetuarit treguan se ai ishte një trafikant. /Telegrafi/