Të paktën 30 persona janë mbytur dhe 167 rezultojnë të zhdukur pasi një varkë u përmbys në lumin Kongo në Republikën Demokratike të Kongos.
Didier Mbula, ministër provincial i shëndetësisë për provincën Equateur në veriperëndim të vendit, tha se 189 njerëz janë shpëtuar dhe se kërkimi po vazhdon pas tragjedisë vonë të premten.
Mbula tha se anija e prodhuar në vend ishte e mbingarkuar – me më shumë se 300 njerëz – kur u përmbys natën pranë qytetit të Mbandaka.
Vullnetarët u janë bashkuar shpëtimtarëve në kërkimin e të mbijetuarve dhe trupave, ndërsa familjet kanë vajtuar për të dashurit që ishin në mesin e viktimave, shtuan zyrtarët.
Shoqëria e Re Civile e Kongos, një grup lokal, ndërkohë tha se 49 njerëz vdiqën në incident, i cili erdhi si pasojë e një dështimi të motorit.
Aksidentet vdekjeprurëse të varkave ndodhin rregullisht në ujërat kongoleze, ku anijet shpesh ngarkohen përtej kapacitetit të tyre. /Telegrafi/