Shkupi ishte në mesin e dhjetë qyteteve botërore me ajrin më të ndotur pasditen e sotme, në fund të ditës së fundit të vitit 2022. Rreth orës 16:00 ishte në vendin e tetë, dhe rreth orës 17:00 ishte në vendin e 9-të sipas shkallës së ndotjes. Instrumentet matëse në faqen ndërkombëtare të internetit IQAir matën një indeks të ndotjes së ajrit prej 174 dhe ajri u etiketua “i pashëndetshëm”. Në botë, ajrin më të ndotur e kanë thithur banorët e Ulaanbaatar të Mongolisë, ku ka pasur një indeks 477.
Sot pasdite, në Shkup ka pasur zona ku ajri ishte tepër i rrezikshëm për t’u marrë, si një lokacion në Komunën e Kisella Vodës ku indeksi është matur 301! Rektorati Kar në qendër të Shkupit ndotja ishte 186, në Novo Lisiçe 182, në Karposh 4 – 178, në Gjorçe Petrov 165 etj.
Se si do të ndikojë e gjithë kjo në frekuentimin e sheshit kryesor të Shkupit, ku sonte paralajmërohet performanca e yjeve të muzikës, mbetet të shihet.
Në fund të ditës, ajër i rrezikshëm është thithur në Tetovë me indeks 187, në Novosellë Strumicë 168, si dhe është ndotur edhe në Kavadar, Gostivar, Strumicë…
Ekspertët mjekësorë këshillojnë që gjatë natës së ndërrimit të viteve në këto qytete të vihet maska mbrojtëse N95 me filtër.