Pajisjet e serisë Galaxy S janë rregullisht ndër telefonat inteligjentë më të mirë në treg.
Me afrimin e datës së prezantimit të gjeneratës së re të telefonave inteligjentë më të fuqishëm të Samsung nga seria Galaxy S, në internet po qarkullojnë gjithnjë e më shumë thashetheme për këto pajisje. Së fundmi u shfaqën informacione të reja për modelin Galaxy S23 Ultra, falë të cilit tani dimë pothuajse gjithçka për telefonin më të mirë të serisë së re.
Samsung Galaxy S23 Ultra, sipas këtyre informacioneve, duhet të ketë një ekran të madh me diagonale 6.8 inç dhe rezolucion prej 3088 x 1440 piksele, dhe do të fuqizohet nga një çip Snapdragon 8 Gen 2, i kombinuar me 8 GB ose 12 GB RAM.
Gjithashtu, përdoruesit do të mund të zgjedhin mes 256 GB, 512 GB dhe 1 TB hapësirë për ruajtjen e të dhënave, e cila do të varet nga çmimi i pajisjes.
Dashamirët e fotografisë me siguri do të gjejnë informacionin më të rëndësishëm se telefoni do të ketë një kamerë kryesore me rezolucion madje 200 MP, si dhe tre kamera shtesë në anën e pasme të telefonit – 12 MP me kënd të gjerë, 10 MP me zmadhim të trefishtë dhe kamerë 10 MP me zmadhim edhe 10x.
Kapaciteti i baterisë është 4855 mAh dhe ndër të tjera telefoni vjen me sensorin e gjurmëve të gishtave të vendosur nën ekran. Dimensionet e pajisjes janë 163.4 x 78.1 x 8.9 mm dhe peshon 233 gram.
Ultra do të jetë modeli më i fortë nga kjo seri, dhe përveç tij mund të presim edhe dy modele të tjera nga e njëjta seri – S23 dhe S23 Plus. Disa thashetheme të mëparshme sugjeruan se mund të presim prezantimin e këtyre pajisjeve tashmë në fund të këtij viti, por duket se ato thashetheme nuk ishin të vërteta dhe Samsung me shumë gjasa do t’i prezantojë në fund të shkurtit. /Telegrafi/