Në orët e vona pas mesnatës së kaluar një person është gjetur i vdekur në Ratkoc të Rahovecit.
Siç mëson Indeksonline, 25 vjeçari në fjalë në momentin kur është gjetur nuk ka pasur asnjë dokumentacion identifikues me vete.
Gjithnjë sipas këtyre burimeve, personi në fjalë është gjetur në një përrua dy orë pas të shtënave.
Po ashtu është bërë e ditur se viktima dyshohet të ketë qenë me prejardhje nga qyteti i Gjilanit.
Duhet përkujtuar që me marrje të informatës, Policia kanë dalë në vendin e ngjarjes ku ekipi mjekësor ka konstatuar edhe vdekjen e viktimës.
Gjithashtu duhet cekur që dy ditë më parë Gjilani është tronditur nga vrasja e tmerrshme që ndodhi në qendër të qytetit, ku axha vrau nipin e tij e më pas edhe veten.