Ministrja e Arsimit dhe Shkencës, Renata Deskoska, premoton se do të angazhohet për përmirësimin e standardit të studentëve, ndërsa njëkohësisht do të angazhohet edhe për autonomin e universiteteve.
Ajo sot ka uruar ditën e parë akademike për studentët me mesazhin që të jenë të zëshëm dhe ta tregojnë mendimin e tyre pa frikë, njofton Telegrafi Maqedoni.
“Prania juaj në amfiteatre dhe laboratoritë tregon se keni kuptuar mesazhin i cili thotë: investimi në dije është vendimi më i sigurtë, si në plan personal ashtu edhe atë shoqëror. Jemi në anën e njëjtë dhe kemi mision të përbashkët, qëllim të përbashkët që të sigurojmë cilësi më të madhe në arsim”, thotë Deskoska.
Ajo thotë se do të mbështetë studentët për përmbushjen e ëndrrave të tyre për universitetet botërore./Telegrafi/