‘Dështimi’ i Man Utd, Bebe shënoi një supergol nga gjuajtja e lirë prej rreth 35 metrash në gjysmëfinalen e Copa Del Rey

Portugezi Bebe, i cili llogaritet si njëri nga dështimet më të mëdha në histori të Manchester Unitedit, ka shënuar një supergol nga një goditje e çmendur dënimi për Rayo Vallecanon në kuadër të Copa del Rey ndaj Real Betisit.

Vallecano ka humbur mundësinë të sigurojë finalen e madhe të Kupës së Mbretit pasi është eliminuar pas barazimit 1-1 ndaj Betisit në ndeshjen e dytë të gjysmëfinales, pasi ndeshjen e parë humbi 2-1.

Megjithatë, Vallecano ishte afër të siguronte së paku vazhdimet, pasi ishin të parët që shënuan gol në minutën e 80-të të ndeshjes me anë të Bebe, ndërsa pranuan gol në minutat shtesë me shënues Borja Iglesias.

Goli i shënuar nga mysafirët e Vallecanos me anë të portugezit Bebe ka ‘pushtuar’ tashmë rrjetet sociale.

Bebe, i cili njihet si njëri nga transferimet më të dështuara në histori të Djajve të Kuq, ka shënuar një supergol nga gjuajtja e lirë.

Lexo po ashtu Dështimet e Fergusonit, shtatë blerjet më të këqija në karrierën e trajnerit legjendar te Unitedi

Portugezi ishte rreth 35 metra larg nga porta, por dhuroi një goditje të çmendur dënimi, e cila nuk i dha asnjë mundësi portierit kundërshtar.

Skenat ishin thjesht të jashtëzakonshme dhe është e vështirë të besohet se ky është i njëjti lojtar që dukej sikur nuk mund të gjuante as një top gjatë kohës së tij te Unitedi. /Telegrafi/

asdasd