Cristiano Ronaldo tashmë ka një ftesë për t’u ngjitur në ring edhe pse asnjëherë në jetën e tij nuk ka boksuar.
Një legjendë britanike e sportit ka pohuar se është i dëshpëruar t’i japë “një shuplakë” pesë herë fituesit të Topit të Artë.
Ricky Hatton e ka emëruar Ronaldon si kundërshtarin e tij për t’u ngjitur në ring në një duel që do të befasonte shumëkë.
Ish-kampioni i botës, i cili është një tifoz i flaktë i Manchester Cityt, ka vënë syrin te sulmuesi veteran.
“Ai luante për Manchester United”, ka thënë Hatton për Mighty Tips. “Tifozët e United e duan atë dhe ai është i bukur, kështu që pse nuk dëshironi t’i jepni një shuplakë?”.
Hatton është një ish-kampion bote në peshë të lehtë. Pas luftës së tij të fundit profesionale në 2012, anglezi kishte një rekord prej 45 fitoresh dhe tre humbjesh me 32 nga ato fitore të ardhura me nokaut.
Megjithatë, ai u kthye në ring nëntorin e kaluar për një ndeshje ekspoze kundër Marco Antonio Barrera në Mançester.
Ndërkohë, Ronaldo ka filluar të bëjë një promovim më të madh të boksit, ndërsa u shfaq në një video promovuese për luftën e ardhshme mes Tyson Fury dhe Francis Ngannou.
Ronaldo vuri në provë aftësitë e tij të aktrimit në një paraqitje të shkurtër përpara meçit të 28 tetorit në Arabinë Saudite. /Telegrafi/