Ditëve të fundit po flitet për një rihapje të gjyqit të Calciopolit në Napoli, në të cilin muaj më parë avokati i Luciano Moggit ofroi audio regjistrime të drejtuesve të Interit me krerët e gjyqtarëve më 2006 në bashkëpunim me Telecom Italia, dëshmi në të cilën Tronchetti nuk sheh asgjë ilegale.
“ Ky është një manipulim i nxjerrë nga asgjë dhe është ekstremisht serioz. Këto ditë asgjë nuk është zbuluar, sepse Moratti ka deklaruar hapur se çfarë ndodhi më 2006. Ata po tentojnë të rikthehen në skenë kinse ka ndodhur diçka ilegale, por këtu nuk shoh asgjë ilegale”, deklaroi Tronchetti Provera.
Moratti nga ana tjetër i quajti të turpshme përpjekjet për të futur Interin në skandalin e Calciopolit. /Telegrafi/