Një dëshmitar tjetër ka rrëfyer kontaktin direkt me sulmuesin dhe si i shpëtoi tmerrit të tij në Munich të Gjermanisë.
Një 32 vjeçar ka rrëfyer për Focus gjithë atë që ai ka parë nga momenti kur ka ndodhur sulmi i armatosur në Munich.
Ai thotë se ka dashur të shkojë në qendrën tregtare me nënën e tij, teksa ngjitur me objektin e qendrës tregtare Olympia, shkruan Telegrafi.
“Unë banoj fare pranë qendrës tregtare, kam dashur të nisem me nënën time që të ha darkë. Por, më pas kam dëgjuar krisma të fuqishme. Unë kam vështruar nga ballkoni im gjithçka dhe kam parë dy trupa para Saturnit (dyqan) që ishin për toke, fare pranë vendit ku ndodhi soli i armatosur”.
“Më pas e kam parë sulmuesin e armatosur. Ai ka vrapuar brenda qendrës tregtare. Prej aty u dëgjuan krisma të fuqishme dhe më pas e kam parë se si ai ka shkuar në kulmin e qendrës tregtare që shfrytëzohet edhe për parking. Ai kishte të veshur pantollona të zeza dhe një fanellë ngjyrë të mbyllur, ashtu sikurse një çantë të kuqe”.
“Në dorë ai barti një armë, që më është dukur si një revole. Ai ecte nëpër kulm dhe brohoriste se ai është gjerman dhe se është rritur këtu. Ai ka brohoritur në drejtim të shtëpisë tonë që të ndalim video-regjistrimet me telefonat tanë. Më pas ai gjuajti dy herë në drejtim të shtëpisë tonë dhe natyrisht se shpejt kam ikur brenda”, ka treguar 32 vjeçari i cili pa sulmuesin me sytë e tij.
Deri tash dihet se sulmuesi është një gjermano-iranian 18 vjeçar.
Motivet për këtë sulm ende janë të pa qarta. /Telegrafi/
