“Organet e drejtësisë nuk po intervistojnë personat që e kanë parë nga afër masakrën e Reçakut”.
Kështu ka thënë Muhamet Bilalli, i mbijetuar dhe dëshmitar i njëres prej masakrave më të rënda të kryera në Kosovë nga forcat serbe në vitin 1999.
Ai theksoi se drejtësia është vonuar.
“Ne, si banorë të Reçakut, jemi shumë të prekur sepse asnjëherë nuk jemi intervistuar. Nuk janë marrë dëshmitarët e rastit. Hetimet duhet të bëhën me personat që kanë qenë prezentë, në fshat. Tash po vijnë po i marrin ata që s’kanë qenë. Për shembull, merret bashkëshortja e një viktime e cila nuk ka qenë në fshat ditën e masakrës”, deklaroi ai në emisionin “Kallxo Përnime”.
Ai ka adresuar kritika ndaj institucioneve të drejtësisë.
“Ne kemi shumë bashkëfshatarë, të mbijetuar të masakrës, që i njohin policinë, por nuk janë intervistuar asnjëherë. Të gjithë janë mbi 40 vjeçar tash. Drejtësia është shumë e vonuar, institucionet janë vonuar dhe nuk kanë qenë shumë të intersuara”, tha Bilalli.