Një shitës ambulant ka pësuar djegie të shkallës së dytë, pasi një grup i të rinjve i vunë flakën balonave të cilët ai po i shiste.
Oliver Rosales, 29-vjeç, po qëndronte ulur pranë balonave të mbushur me hidrogjen në një lagje të Manilës në Filipine, kur një grup adoleshentësh vendosën të tallen me të, transmeton Telegrafi.
Megjithatë kjo tallje e tyre nuk shkoi sipas planit, pasi në videon e publikuar më poshtë shihet se si i vënë flakën balonave që shpërthejnë dhe flaka e mbulon shitësin ambulant.
Por, edhe përkundër lëndimeve trupore që i ka pësuar, Rosales thotë se ua falë adoleshentëve. Ai gjithashtu pranoi se prindërit e tyre janë shprehur të gatshëm t’i mbulojnë shpenzimet e mjekimit.
“Ata janë thjesht djem të rinj. Ata nuk dinë asgjë për pasojat. Ua falë sepse e di që kur të rriten do ta kuptojnë se çfarë kanë bërë”, shtoi Rosales. /Telegrafi/
