Monica Medeiros, 19-vjeçe dhe Bruna Velsaces, 18, kanë humbur jetën tragjikisht derisa po vizitonin ujëvarën Salto Caveires Lazes në Brazil.
Këto mikesha të pandara kishin nisur aventurën, madje ishin fotografuar nga maja e ujëvarës. Por në fund u konstatua se doli të jetë fotografia e tyre e fundit, transmeton Telegrafi.
Njëra prej tyre kishte rrëshqitur derisa po shëtitej, e tjera kishte humbur baraspeshimin duke tentuar ta shpëtojë mikeshën.
Ato kanë rënë nga 30 metra lartësi që ishte fatale për ato, ku Bruna Velasces ka mbetur e vdekur në vend e Monica Medeiros ka humbur jetën pak minuta më vonë duke mos i mbijetuar plagëve.
Ato janë varrosur në vendlindje në Lazes, e miqtë e tyre po shpërndajnë mesazhe prekëse për ato nëpër rrjetet sociale.
“Është dashur ta festojmë ditëlindjen e 19-të të Brunas më 28 shtator. Ka qenë shumë e re dhe e bukur”, ka shkruar një mikeshë e saj.
Mediat lokale raportojnë se ujëvara Salto Caveires Lazes është i ndaluar për vizitorë, megjithatë kjo nuk po i ndalë të rinjtë që të ngjiten lart dhe të fotografohen. /Telegrafi/