Paul Pogba vazhdon ta mbajë në ankth Francën nëse do të jetë i gatshëm për Kampionatin Botëror ose jo.
Ylli francez ka pësuar një lëndim dhe u detyrua t’i nënshtrohet operimit, pasi nuk arriti të shërohej plotësisht.
Gjithsesi Pogba po bën të pamundurën për tu rikuperuar dhe të jetë i gatshëm në nëntor për Francën në Kampionatin Botëror ‘Katari 2022’.
E për mesfushorin e Juventusit ka folur edhe trajneri i Kombëtares së Francës, Didier Deschamps.
Ish-mesfushori francez ka thënë se e pret Pogban në formë në Botëror, por nëse nuk është i gatshëm nuk do ta ftoj vetëm që të jetë si numër.
“Pogba është një lojtar me karakter solid dhe është i fokusuar tek rikuperimi pas operacionit në gju. Ai nuk do të vijë me vetëm për të plotësuar grupin”.
“Për sa kohë kam qenë trajner, nuk kam thirrur kurrë një lojtar nëse ai nuk është rikuperuar plotësisht nga lëndimet. Nëse ai nuk luan dhe nuk është në formë, është e kotë, edhe ai vetë nuk do ta dëshironte këtë gjë”, u shpreh Deschamps.
Pogba po bën të pamundurën që të rikuperohet dhe të shkoj në Katar me Kombëtaren franceze. /Telegrafi/