Kastriot Dërmaku është rikthyer në Kombëtaren e Shqipërisë pas largimit të Christian Panuccit.
Me ardhjen e Edy Rejas në pozitën e trajnerit, Dërmaku është kthyer dhe pritet të luaj.
Mbrojtësi shtatlartë ka folur për mediat shqiptare në konferencë për shtyp.
“Duhet të japim maksimumin, të marrim pikë dhe të shohim deri ku mund të mbërrijë kjo kombëtare. Të gjitha ndeshjet janë të vështira, por me rëndësi është që ta japim maksimumin”.
“Konkurrenca është e madhe dhe është pozitive. Nuk pres me qenë titullar, do jap maksimumin. Nëse më jepet shansi do kërkoj të jap më të mirën time”, u shpreh Dërmaku.
Qendërmbrojtësi shtatlartë ka thënë se nga edicioni i ardhshëm mund të luaj në Serie A, pasi kontrata me Cosenzan i përfundon në qershor.
“Kemi biseduar me disa ekipe. Kontrata më mbaron në qershor. Ka shanse të luaj në Serie A. Më pëlqen me karakteristikat që ka, Pique i Barcelonës. Sot ka mbrojtës shumë të mirë, të rinj që po dalin, si Romagnoli. Edhe Chiellini më pëlqen”, përfundoi Dërmaku.
Kombëtarja e Shqipërisë dy ndeshjet e muajit qershor i zhvillon ndaj Islandës në udhëtim dhe ndaj Moldavisë në shtëpi. /Telegrafi/