“Pothuajse 20 për qind e vendvotimeve janë ndryshuar për shkak lokacioneve me qëllim të sigurohet më shumë hapësirë në ditën e zgjedhjeve. Në të njëjtën kohë, ligji po respektohet dhe nuk është më shumë se tre kilometra nga zonat urbane dhe jo më shumë se pesë kilometra nga zonat rurale”.
Këtë e tha Oliver Derkoski, kryetar i Komisionit Shtetëror të Zgjedhjeve (KSHZ), në një intervistë për TV Telma. Ai shtoi se po punohet intensivisht për të siguruar sa më shumë vendvotime sa më shumë të mëdha dhe të ajrosura dhe se rreth 3000 do të jenë të përshtatshme për kushtet dhe nevojat.
Derkoski tha se ata që janë marrë me qira nga pronarët privatë, të cilët kanë një numër të vogël të votuesve, mbeten dhe për ta do të përpiqen të jenë së sipërfaqe të hapur.
“Për votimin e personave në izolim do të ketë këshille të posaçme zgjedhore me të paktën tre punonjës shëndetësor dhe përfaqësues të partive politike. Ata do të kenë pajisje të posaçme mbrojtëse kur të shkojnë në shtëpinë e personit të infektuar. Regjistrim ka edhe për ta, si dhe për të sëmurët dhe të pamundurit që votojnë ditën tjetër”, tha Derkoski.
Ai u bëri thirrje që të pajisen me pajisje mbrojtëse këshillat zgjedhore sa më shpejt që të jetë e mundur, në mënyrë që KSHZ-ja t’i dorëzojë ato në komisionet zgjedhore komunale në kohën e duhur, dhe pastaj nëpër këshilla.
Ndryshimet në Dekret, të cilat u miratuan mbrëmë, rregullojnë rregullat e reklamimit të paguar politik për partitë politike, mënyrën dhe rregullat e shpërndarjes së mjeteve për financiare për reklamime të siguruara nga Buxheti, në përputhje me nenin 76-e të Kodit Zgjedhor./Telegrafi/