Komisioni Qendror i Zgjedhjeve bëri të ditur se në bazë dhënave në të gjitha komunat e Kosovës deri në ora 11:00 kanë votuar gjithsej 150 mijë e 244 votues, që në përqindje janë gjithsej 8.45 për qind.
Kryetarja e KQZ-së, Valdete Daka tha se procesi zgjedhor ka vazhduar normalisht pa ndonjë incident serioz.
“Në bazë të dhënave të dërguara në mënyrë elektronike nga të gjitha qendrat e votimit në të gjitha komunat e Republikës së Kosovës, deri në orën 11:00 kanë votuar 150.244 votues apo 8.45 për qind e votuesve. Krahasuar me zgjedhjet e parakohshme për Kuvendin e Kosovës për 8 qershor 2014 deri përafërsisht në të njëjtën kohë kanë votuar 168.616 votues apo 9.46 për qind të votuesve. Duke u mbështetur nga informacionet nga qendrat e votimit procesi zgjedhor është duke vijuar normalisht”, ka thënë ajo”, ka thënë ajo.
Daka tha se edhe në veri të Kosovës deri më tani votimi po vazhdon në rregull.
“Nëse qytetarë me të drejtë vote udhëzohen se si të votojnë është shkelje penale. Nuk ka shqetësim serioz apo përpjekje për ndonjë problem në atë pjesë”, u shpreh ajo.