Qeveria e Kosovës është duke përgatitur një draft-statut lidhur me Asociacionin e Komunave me shumicë serbe, bazuar në propozimin e Fondacionit gjerman Friedrich Ebert.
I njëjti draft-statut do të dorëzohet në Gjykatën Kushtetuese për shqyrtim deri në fund të këtij muaji.
E gazetari gjerman i “Frankurter Algemeine Zeitung”, Michael Martens këtë e ka quajtur lëvizje të jashtëzakonshme të minutës së fundit lidhur me aplikimin e Kosovës për anëtarësim në Këshill të Evropës.
“Lëvizje e jashtëzakonshme e minutës së fundit në Kosovë lidhur me anëtarësimin në Këshill të Evropës”, shkruan Martens.
Ai thekson se Friedrich Ebert Stiftung është “themeli” i SPD-së (Partia Social Demokrate), të afërt me kancelarin Olaf Scholz dhe njerëzve të tij, disa prej të cilëve deri më tani hezitonin për këtë çështje.
“Por nëse fondacioni juaj prodhon ide të mira…”, shkruan Martens. /Telegrafi/
Remarkable last-minute-move on ??application for CoE membership. Note that the Friedrich Ebert Stiftung is the foundation of the SPD & thus close to chancellor Scholz & his people, some of whom so far were reluctant on the issue. But if your own foundation produces good ideas… https://t.co/2DEZTRbEhA
— Michael Martens (@Andric1961) May 16, 2024