Dërgesa e dytë me një total prej 450,000 dozash të vaksinës kundër COVID-19 të Pfizer/BioNTech do të mbërrijë në Itali nga Belgjika të martën.
Sipas burimeve të mediave italiane, përcjell Telegrafi, disa nga dërgesat mund të mbërrijnë një ditë më vonë, të mërkurën, për shkak të vështirësive të udhëtimit mes një periudhe moti të keq.
Ndërkohë Pfizer ka thënë se nuk kishte asnjë vonesë në orarin e dorëzimit pas raporteve që Spanja dhe shtatë vende të tjera të BE u përballën me vonesa.
Dërgesat do të vazhdojnë siç është planifikuar, tha kompania.
Vaksinimet duke përdorur vaksinën e Pfizer filluan në Itali dhe pjesën tjetër të BE-së të dielën, me punëtorët shëndetësorë të frontit të parë që kanë përparësi. /Telegrafi/