Drenica dhe Flamurtari kanë ndarë pikët në kuadër të xhiros së 21-të të IPKO Superligës së Kosovës në futboll.
Drenicakët nuk kanë arritur të triumfojnë para shikuesve të vetë në stadiumin Bajram Aliu kundër Flamurtarit duke barazuar me rezultat 1:1.
Pjesa e parë u karakterizua me aksione të rrjedhshme dhe pa kalkulime, gjë që solli edhe dy gola.
Nicholas Andrews solli në epërsi vendasit në të 29-tën minutë, por që një minutë më vonë gjithçka barazoi Egzon Krasniqi.
Edhe pse pati raste në 45 minutshin e parë, rrjetat e ekipeve respektive nuk u tundën më gjatë kësaj periudhe.
Shend Kelmendi në të 56 minutë dhe pesë më vonë, Alban Shlivova patën raste të mira për të sjell në epërsi për herë të parë prishtinasit, por që nuk u treguan të saktë para portës së vendasve.
Në vazhdim të lojës, ndeshja u zhvilluar kryesisht në mesfushë dhe kjo gjë bëri që të mos kishte shumë raste për shënim.
Deri në fund të ndeshjes më nuk pati raste për t’u theksuar dhe kështu ndeshja përfundoi 1:1.
Pas kësaj, Drenica zë pozitën e shtatë të renditjes tabelore me 28 pikë gjersa Flamurtari mbetet në vendin e nëntë me 27 pikë. /Telegrafi/