Java e 28-të në elitën e futbollit kosovar ka filluar të premten ku janë zhvilluar dy ndeshje interesante.
Prishtina mposhti minimalisht Drenicën 1-0, ndërsa Flamurtari u befasua nga Vushtrria duke u ndalur në barazim 2-2.
Të shtunën nuk pati befasi ku Gjilani mposhti në udhëtim Feronikelin 0-2, ndërsa Ballkani shkëlqeu te Dukagjini 1-5.
Sot në program janë dy ndeshje të zjarrta për tu zhvilluar me fillim nga ora 17:00.
Lideri aktual i IPKO Superligës, Drita është në presion të fitores pasi kundërshtarët për titull kanë marrë pikët e plota.
Gjilanasit do të kenë njërin nga udhëtimet më të vështira pasi luajnë në udhëtim te Llapi që di t’i bëjë problem skuadrave të mëdha.
Llapjanët kanë arritur t’i marrin barazim Prishtinës dhe Gjilanit, ndërsa të njëjtën gjë synojnë ta bëjnë edhe me Dritën.
Ndërkohë ndeshja tjetër pritet të jetë jashtëzakonisht interesante pasi bëhet fjalë për luftën për mbijetesë.
Ferizaj do të jetë nikoqir i Trepçës ’89 dhe vetëm fitorja vendasit do t’i mbante në garë fuqishëm për mbijetesë.
Ndërkohë edhe ‘Minatorët’ udhëtojnë për fitore në Ferizaj, edhe pse në takimin e fundit mes këtyre dy skuadrave në të njëjtin stadium, ‘Ujqit’ kishin triumfuar me rezultat të thellë 4-0. /Telegrafi/