Një ngjarje e pazakontë është kapur nga kamerat e sigurisë, ku shfaqet momenti kur një derë e punuar nga xhami shpërthen derisa një grua tenton të arrijë që ta hapë.
Sikur kjo të mos mjaftonte, pjesa tjetër e derës përplaset direkt në kokën e një gruaje që ishte brenda barnatores në Guangxi të Kinës.
Nga goditja e fuqishme ajo menjëherë rrëzohet në tokë, kurse gruaja që tentoi ta hapë derën fillimisht mban me dorë kokën.
Ajo çfarë mbetet mister është sesi arriti të ndodhë shpërthimi i derës së xhamit, që shpërtheu dhe më pas pjesa tjetër përfundoi mbi kokën e punonjëses së barnatores.
Megjithatë pas trajtimit në spitalin më të afërt, gruaja e pafat dhe punonjësja e barnatores janë në gjendje të mirë shëndetësore.
Madje shumë po e konsiderojnë si një fat, pasi dyshja kanë mundur ta pësojnë më rëndë sesa që u ka ndodhur në të vërtetë. /Telegrafi/