Deputetja e Partisë Demokratike të Kosovës, Evgjeni Thaçi-Dragusha ka hedhur akuza për funksionimin e qeverisë.
Deputetja opozitare gjatë seancës së Kuvendit të Kosovës thotë se kryeministri Hoti nuk po jep llogari në Kuvend për punën e tij.
“Ne kemi parë qeverisja shumë të dobët në çdo aspekt. Një qeveri që nuk ka mbështetje në popull dhe që nuk ka numra në kuvend për të kaluar ligjet më të thjeshta”, deklaroi Thaçi-Dragusha.
“Kemi një qeveri e koalicion qeveritar që prishet e ndreqet brenda ditës. Kemi një qeveri pa shumicë parlamentare ku opozita me vullnetin e saj angazhohet për të kaluar ligje për të mirën e qytetarëve. Prandaj është koha që politika kosovare gjegjësisht partitë politike duhet të ulen dhe të vendosin një datë të zgjedhjeve. Ne të përgatitemi dhe të mos e lëmë vendin në këtë gjendje”.
Deputetja e PDK ka hedhur akuza edhe ndaj zëvendëskryeministrit Selamanaj.
Sipas saj Selmanaj për shkak të mungesës së njohurive dje ka dështuar një projektligj që lidhet me Italinë./Telegrafi/